“Bomba” nga Spanja: Nejmar arrin akordin me Real Madrid!

Real Madrid ka mbyllur tratativat për transferimin e brazilianit Nejmar, sulmues i PSG, i cili sipas gazetës spanjolle “Mundo Deportivo”, kanë rënë dakord për vlerën e çmimit. Francezët dhe ekipi i Fiorentino Perez janë takuar gjatë fazës me eliminim direkt në Champions, teksa madrilenët fituan në të dyja ndeshjet 3-1 dhe 1-2.

Ende nuk janë të qarta idetë e presidentit të klubit francez, i cili dëshiron që ta mbajë edhe për një tjetër sezon, ndërkohë që në Spanjë janë të bindur se futbollisti i ka përshëndetur shokët e ekipit. Ndërkohë që ish-shoku i ekipit, Lionel Mesi ka komentuar këtë transferim të mundshëm: “Do të ishte e tmerrshme, për atë që ka bërë për Barcelonën”. /Koha Jonë/