Broja ndalet në momentin më të mirë, do të mungojë këtë fundjavë

Armando Broja ndalet në momentin e tij të karrierës. Pasi shënoi dy gola, në po kaq sfida radhazi si titullar te Southampton, sulmuesi i kombëtares shqiptar nuk do të jetë në dispozicion të trajnerit Hasenhuttl për transfertën e nesërme ndaj Ëatford.

Lajmin e ka bërë të ditur vetë strateg austriak i “shenjtorëve”, që në konferencën për shtyp para ndeshjes deklaroi se 20-vjeçari nuk do të udhëtojë me skuadrën në transfertën ndaj Ëatfordit, për shkak të një dëmtimi në kyçin e këmbës.

“Ai dëmtoi kyçin e këmbës kur shënoi ndaj Burnley-t dhe nuk është rikuperuar ende, ndaj nuk do të udhëtojë me skuadrën nesër. Më vjen keq që ndalet në këtë moment, pasi ishte në formë të mirë fizike dhe mbi të gjitha mendore, megjithatë besoj që ky pushim, do ta ndihmojë të rikuperohet në mënyrën më të mirë të mundshme”, u shpreh Hasenhuttl.