Buffon zbulon tre skuadrat favorite për të fituar Champions League

Gianluigi Buffon vijon të ëndërrojë fitimin e Champions League, trofeu i vetëm që mungon në arkivën e tij. Portieri i PSG sfidon sonte Liverpoolin në ndeshjen që do të vendosë shumë për kualifikimin për në fazën tjetër.

“Gardiani” italian fillimisht komentoi skuadrat që sipas tij janë favorit për ta fituar trofeun me “veshë të mëdhenj”.

“Këtë sezon në Champions League shoh favorit Barcelonën, Juventusin dhe Manchester City-in. Liverpooli ka gjithashtu shumë shanse, mjafton të mos harrojmë finalen e sezonit të kaluar ndaj Real Madrid.

Sigurisht që ëndrra ime mbetet fitimi i Champions League. Sezonin e kaluar mendoja se ishte shansi i fundit, por tani kam edhe një”, deklaroi Buffon në një deklaratë të dhënë për “The Mirror”.

Buffon ka humbur dy finale në sezonet e fundit me Juventusin, ndërkohë që më parë u mund dhe nga Milani në vitin 2014. /Koha Jone/