“Bufon do të jetë Moxhi i ri i Juventusit”, fjalët e thëna nga … Moxhi

Pas fjalëve të Bufon në konferencën e sotme për shtyp, mbetet vetëm që ai të luajë ndeshjen e fundit me Juventusin. Ai la të hapur fillimin e një aventure të re jashtë vendit. Lidhur me largimin e tij ka folur edhe Luçiano Moxhi, i cili thekson se e ardhmja e Bufonit është në klubin bardhezi, si drejtues.

“Bufon po e lë futbollin e luajtur dhe e ardhmja e tij është në strukturat drejtuese të klubit bardhezi. Karizma dhe personaliteti që ai ka krijuar, do ta bëjnë atë patjetër një drejtues të suksesshëm, pasi është edhe një njohës shumë i mirë i futbollit.

Bufon ka përpara një të ardhme të ndritur, do të jetë Moxhi i ri, me perspektivën për t’u bërë edhe zëvendës-president. Më pas, në të ardhmen mund të jetë edhe njeriu i duhur për të drejtuar Federatën e Italisë. Bufon ka të gjitha kapacitetet për ta rilindur futbollin italian”, tha Luçiano Moxhi.