Cafu: Ronaldo është më i miri në botë, do të ambientohet shpejt

Ish-mbrojtësi i Roma-s dhe Milan-it, Cafu është i bindur se Cistiano Ronaldo do të arrijë më së miri që të promovojë futbollin italian. Braziliani i cili ka luajtur për disa sezone në Itali është i bindur se portugezi do të shkëlqejë.

“Vuan pak në Serie A, sepse kampionati italian është shumë i komplikuar në dallim nga La Liga, si nga vlera e skuadrave ashtu dhe nga kontakti fizik. Ronaldo është përherë Ronaldo. Është lojtari më i mirë në botë dhe qartësisht i duhet pak kohë sa të ambientohet me Serie A.

Kur isha më i ri, mbaj mend që të gjithë donin të luanin në Serie A për fanellën e Roma-s, Milan-it, Lazio-s, Juventus-it, Sampdoria-s, Napoli-t. Tashmë ky kampionat është bërë më pak konkurrues në dallim me La Liga-n apo Premier League-n, por duhet që të kthehet në kampionatin që të gjithë njohim. Dhe Cristiano Ronaldo mund të japë ndihmesë në këtë drejtim”, deklaroi Cafu.