Chelsea harron Hysajn, blindon mbrojtësin e krahut të djathtë

Chelsea “blindon” me një kontratë të re futbollistin spanjoll që kërkohej edhe nga Reali i Madridit. Mbrojtësi Cesar Azpilicueta ka rinovuar kontratën me Çelsea-n deri në vitin 2022, me një pagë 150 mijë paundë në javë.

Anësori i krahut të djathtë këtë sezon ka mbajtur edhe shiritin e kapitenit, ndërkohë që është dy ndeshje larg shifrës së 300 takimeve të zhvilluara me “Blutë” e Londrës.

“Jam shumë i lumtur që zgjata qëndrimin tim këtu. Që kur kam mbërritur te Chelsea e kam ndier kënaqësinë dhe përgjegjësinë e të qenit pjesë e këtij klubi. Sa herë që zbres në fushë, mundohem të jap më të mirën”, deklaroi Azpilikueta.

Në këtë mënyrë Sarri duket se nuk po mendon për transferimin e Hysajt, teksa mbrojtësi shqiptar po has vështirësi me Ancelottin.