Chelsea vijon ecurinë perfekte, merr një fitore dramatike ndaj Newcastle (VIDEO)

Chelsea nuk ka ndërmend të ndalet këtë sezon në Premier League. Skuadra e Sarrit ka fituar me vështirësi 2-1 në transfertën ndaj Newcastle. Pjesa e parë u mbyll me rrjeta të paprekura, me të dyja skuadrat që patën pak shanse shënimi.

Fraksioni i dytë dhuron një ritëm më të lartë, teksa Blutë e Londrës do të zhbllokonin rezultatin në minutën e 76-të. Alonso fitoi një 11-metërsh pasi u rrëzua brenda zonës, ndërkohë që nga pika e bardhë nuk gaboi Eden Hazard. Kundërpërgjigja e vendasve nuk vonoi me Joselu, i cili barazoi menjëherë shifrat në minutën e 83-të.

Gëzimi i fansave të Newcastle zgjati shumë pak, pasi Yedlin dërgoi topin në portën e portierit të tij, duke i dhen Chelsea-t një fitore që e ngjit në krye të Premier League së bashku me Liverpoolin, me pikë të plota 9. /Koha Jonë/