City merr hak ndaj Tottenhamit dhe rrëmben kreun e renditjes (VIDEO)

Manchester City vijon rrugëtimin drejt titullit kampion në Premier League. Skuadra e drejtuar Pep Guardiola fitoi 1-0 ndaj Tottenhamit, duke marrë hak për eliminimin në mesjavë në Champions League.

“Qytetarët” zhbllokuan shume shpejt ndeshjen që në minutën e 5-të. Bernardo Silva bën një veprim të bukur në krahun e djathtë, kroson në zonë për Agueron, i cili shërben mjaft mirë për Foden. Talenti i City-it e ka shumë të thjeshtë për ta shtyrë “sferën” në rrjetë.

Edhe pse të dyja skuadrat do të kishin mundësi të tjera shënimi, rezultati nuk ndryshoi deri në fund. City pas kësaj fitoreje ngjitet në krye të renditjes me 86 pikë, vetëm një më shumë se Liverpooli, ndërkohë që Tottenham mban vendin e tretë. /R.Lika-Koha Jone/

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = ‘https://www.scorebat.com/embed/embed.js?v=m2to’; fjs.parentNode.insertBefore(js, fjs); }(document, ‘script’, ‘scorebat-jssdk’));