City nis “arratisjen” në Premier League, fiton ndaj Sheffield (VIDEO)

Manchester City nis shkëputjen në krye të renditjes në kampionatin anglez, pasi sot triumfoi me rezultatin minimal 1-0 ndaj Sheffield United dhe shkoi në kuotën e 44 pikëve, 4 më tepër se Manchester United i vendit të dytë.

Skuadra e Pep Guardiolës zgjidhi shpejt ndeshjen, pasi shënoi që në minutën e 9 me anë të brazilianit Gabriel Jesus, ndërsa më pas dominoi kontrollin e topit, por nuk arriti të krijojë shumë raste, kjo edhe për shkak të mbrojtjes me shumë futbollistë nga ana e miqve.