City rrezikon të humbasë Augueron për sfidën e Champions League

Pep Guardiola ka marrë një lajm të keq pas fitores 2-0 që skuadra e tij arriti ndaj Brighton në javën e 7-të të Premier League. Sulmuesi argjentinas Sergio Aguero ka sërish probleme me gjurin dhe pak minuta pasi ka shënuar golin e dytë për skuadrën e tij ka ardhur edhe ai zëvendësim i menjëhershëm.

Sulmuesi argjentinas mund të mungojë këtë mesjavë në ndeshjen që City do të luajë në Champions League, në Gjermani ndaj Hoffenheim. Trajneri spanjoll ka nevojë për shërbimet e Aguero në kompeticionin europian, sidomos pas humbjes që Manchester City pësoi në fushën e tij, në ndeshjen e parë ndaj Lyon.