Cristiano Ronaldo votohet si më i miri nga tifozët e Man United

Fundjavën e shkuar, Manchester Unitedi kundër Ëatfordit shënoi golin e 1,000 në Premier League dhe pas kësaj, ka bërë një sondazh për të zgjedhur më të mirin në 25 vitet e fundit, dhe sigurisht Ronaldo është i preferuari i tifozëve të “Djajve të Kuq”.

Cristiano Ronaldo është votuar si lojtari më i mirë i Manchester United në 25 vitet e fundit në Premier League nga tifozët e “Djajve të Kuq”.

Ylli i Real Madridit u transferua në “Old Trafford” në moshën 18 vjeçare nga Sporting Lisbona.

Shumë shpejt ai u bë i njohur për golat dhe lojën që aplikoi në “Old Trafford”, duke shënuar 118 herë në 292 ndeshje, teksa ka fituar tre herë Premier League dhe Ligën e Kampionëve në sezonin 2007/08.

Portugezi, tani është nderuar nga tifozët e United si më i miri në 25 vitet e fundit, duke lënë prapa Ryan Giggsin dhe Paul Scholes, njofton klubi në sajtin zyrtar.

Jo vetëm te Unitedi, Cristiano ka shkruar emrin në librat e historisë edhe te Real Madridi, duke thyer shumë rekorde historike dhe duke fituar tituj vit pas viti.

Ai ka bërë 436 paraqitje për Los Blancos, duke shënuar 449 gola.