Cuculi: M’u duk vetja sikur bëra vrasje me qëllim, Asanit bravo i qoftë

Mbrojtësi i Kukësit, Ardian Cuculi, është shfaqur sot para mikrofonave të “SuperSport”, duke folur jo vetëm për kualifikimin e mëtejshëm në Kupë, por edhe ndeshjen ndaj Partizanit dhe penalltinë e shkaktuar.

“Kanë qenë dy ndeshje të luftuara, në ndeshjen e parë kemi bërë një lojë shumë të mirë por u tërhoqëm në fund dhe na barazuan. Sot patëm rastet tona që i shfrytëzuam, ishin dy ndeshje të vështira me kundërshtar të vështirë. Por jemi të kënaqur që dolëm në gjysmëfinale.

Për mua nuk ka qenë e lehtë, por jemi profesionistë dhe ka qenë një fryrje dueli me Partizanin. Ishte një situatë normale dhe bë anormale, nga ana e opinionit. Nga ana e presidentit e pranoj gabimin se është ai drejtuesi. Kjo ka pasur ndikim psikologjik te unë, por njeriu kur bie ngrihet me shpejt. Nuk ndjehem mirë me këtë që është thënë.

Asanit bravo i qoftë që e vodhi, nuk kam thënë ashtu, absolutisht jo. U duka sikur unë isha molla e madhe e kalbur, vetëm kaq. Unë  ndjeva thjesht nga njerëzit sikur bëra vrasje të qëllimshme. Nuk më a ngacmuar njeri, jam i rezervuar shumë. Nuk e kam normale të më ndodhin gabime të tilla, u ndjeva keq e i lënduar. Pas tre ditësh luajta, ky është futbolli, një herë të çon lart, një herë poshtë dhe unë e pranoj”, deklaroi Cuculi.