Çudia nga Kosova, ekipi i babait të Canës përdor topat e Superiores për ndeshjet

Babai i Lorik Canës, vendosi të merrte drejtimin e skuadrës së Vëllaznimit të Gjakovës. Ai kërkonte që në momentet e parë të ringrinte ekipin në nivelet e larta, për të qenë pretendente për trofe në futbollin kosovar.

Sidoqoftë, Cana duket se ka arritur të marrë maksimumin nga lidhjet që ka në Shqipëri, dhe me Federatën Shqiptare të Futbollit. Në fotot e postuara nga klubi, topat e sfidës janë me logot e Kategorisë Superiore, prodhuar dhe dhuruar nga FSHF për ekipet e Superiores, sipas projektit “Topi yt”.