Cungu: Më shqetëson mungesa e Musollit, me Kamzën duam fitoren

Kukësi synon që të marrë një tjetër fitore në kampionat, teksa prova e radhës në kampionat do ta vendosë përballë Kamzës në “Loro Borici”.

“Nuk kemi eufori, pasi ekipi që kam është profesionist. Jam gjithmonë i bindur për fitore. Kukësi është përmirësuar ndjeshëm, por vend për përmirësim ka. Për të arritur objektivat, çdo gjë duhet marrë seriozisht, ndryshe çdo gjë do të jetë në favor të kundërshtarit. Në çdo ndeshje ne do të kërkojmë gjithmonë maksimumin.

Mungesa e Musollit? Në mbrojtje jam i qetë, sepse kemi Shametin. Por e përsëris, jam shumë i shqetësuar për Musollin. Stërvis 25 lojtarë dhe të gjithë dëshirojnë që të shfrytëzojnë mundësitë që u jepen. Kam pasur Ylli Hoxhën dhe Manukën vite më parë dhe në javën e 3-të Manuka mori një dëmtim në gju. Ndërsa Hoxha kërkohej shumë në ato vite”, deklaroi Cungu para ndeshjes.