Dani Alves gati të largohet nga PSG-ja: Dua të luaj në Premier League

Dani Alves ka vendosur që para fundit të karrierës të provojë një avanturë të re në Premier Leaguen angleze.

35-vjeçari më parë refuzoi mundësitë për të luajtur për Chelsean dhe Manchester Cityn, por sot ende ka një ambicie për të luajtur në Angli.

“Ideja që unë mund ta përfundoj karrierën time pa luajtur në Premier League, nuk është e mundur”, tha ai për The Telegraph.

“Sigurisht, ky është futbolli më i mahnitshëm në botë. Së pari, për shkak të respektit për lojtarët nga tifozët dhe pastaj për shkak të pasionit në fushë.

“Nëse unë mund të luaj në Angli, kjo do të ishte e përsosur”, përfundoi Alves.