Danimarka thyen Uellsin, Maqedonia merr fitoren e dytë në Ligën e Kombeve (VIDEO)

Danimarka e ka nisur më këmbën  e mbarë aventurën në Ligën e Kombeve, teksa ka fituar pastër 2-0 ndaj Uellsit në sfidën e vlefshme për Ligën C. Dy golat për përfaqësuesen nordike u shënuan nga ylli i tyre, Christian Eriksen. Mesfushori i Tottenhem shënoi në minutën e 32-të të pjesës së parë, dhe me penallti në pjesën e dytë, duke marrë 3 pikët e para.

Fitore të rëndësishme mori edhe Maqedonia, me të njëjtën rezultat ndaj Armenisë. Alioski shënoi nga pika e bardhë në minutën e 13-të, ndërkohë që Pandev dyfishoi shifrat në pjesën e dytë. Maqedonasit ngjitetn në kuotën e 6 pikëve, në Grupin 4 të Ligës D. /Koha Jonë/