Dëmtimi i Hysajt, ekzaminimet mjekësore qetësojnë Sarrin

Mauricio Sarri dhe tifozët e Napolit kanë mbetur me siguri të befasuar, pasi gjysmë ore para përfundimit të ndeshjes ndaj Kaljarit, Elseid Hysaj ka kërkuar zëvendësim për shkak të një problemi fizik.

Sipas Radio “Kiss Kiss” për mbrojtësin shqiptar bëhet fjalë vetëm për një problem mbingarkesë muskulore, pasi testet mjekësore i kanë qetësuar të gjithë. Trajneri i Napolit mund të buzëqesh, pasi Hysaj do të jetë i gatshëm për ndeshjen ndaj Romës në fundjavë.

Kujtojmë që futbollisti me origjinë nga Shkodra dje dha asistin në golin e dytë të shënuar nga Mertens. /Koha Jonë/