Dëmtim i rëndë për James Rodriguez, mbyll para kohe vitin 2018

“James Rodriguez ka pësuar një dëmtim në gju”, ky është njoftimi i Bayernit të Mynihut në rrjetet sociale. Futbollisti kolumbian është dëmtuar në ligamentet e gjurit të majtë që mund ta mbajnë jashtë fushave të lojës deri në vitin 2019.

Sipas mediave gjermane dëmtimi i tij është i rëndë dhe do t’i duhet të pushojë për disa javë. Ndërprerja e sezonit në Gjermani fillon më 24 dhjetor, periudhë që mund të sjellë edhe fillimin e stërvitjeve për rikthimin në fushën e lojës.

James Rodriguez po kalon një moment të vështirë këtë sezon me Bayernin, teksa në shumë ndeshje nuk ka qenë një zgjedhje e parë. Humbja e fundit ndaj Dortmundit, ka bërë që bavarezët të renditen në vendin e pestë me 7 pikë më pak se verdhezinjtë. /Koha Jone/