Dëmtimet në tru, flet gruaja e Michael Schumacher: Ai nuk do dorëzohet, është luftëtar

Bashkëshortja e legjendës gjermane së F1 ka dhënë disa detaje rreth gjendjes shëndetësore të Michael Schumacher.

Corinna Schumacher e përshkroi bashkëshortin si “luftëtar”. Gjendja shëndetësore e tij është ruajtur sekret që kur pësoi lëndime katastrofike në tru në një aksident me ski në vitin 2013.

Në një letër emocionuese që ia dërgoi një muzikanti gjerman, 49-vjeçarja shkruajti: “Do doja të të falenderoj sinqerisht për mesazhin dhe dhuratën e këndshme që do na ndihmojë ta kalojmë këtë kohë të vështirë. Ndihem mirë kur marr kaq shumë urime dhe fjalë të mira që mbështesin familjen tonë. Ne të gjithë e dimë që Michael është një luftëtar dhe nuk do të dorëzohet.”

Gjatë karrierës së tij, legjenda e F1 grumbulloi një rekord prej 7 titujsh dhe numrin më të madh të garave, 91, të fituara ndonjëherë nga një shofer.