Detajet nga arrestimi i 3 punonjësve të Kadastrës, ja për çfarë hetohen

Detaje të reja janë publikuar nga aksioni tek Kadastra e Tiranës, ku janë ndaluar tre persona. Dy prej tyre bënin rolin e sekserit kurse tjetri është zyrtar i nivelit të ulët.

Dyshohet se këta persona regjistruan një pronë në mënyrë të paligjshme, teksa Policia po bën ekzekutimin e urdhër-arresteve.

Deri më tani dyshohet për falsifikim dokumentesh, mbivendosje pronash dhe korrupsion teksa hetimi prej disa muajsh është kryer nga SPAK.