Disiplina në Itali e “butë” ndaj Spallettit, do të jetë në stol ndaj Juves

Luciano Spalletti ia hedh paq vetëm me një paralajmërim për përjashtim për kartonin e kuq që mori në fund të sfidës ndaj Romës dhe në këtë mënyrë do të jetë rregullisht në fushë në super sfidën e kësaj të premteje ndaj Juventusit.

Trajneri i zikaltërve u përjashtua nga gjyqtari Rocchi në fundin e ndeshjes ndaj verdhekuqve pasi protestoi ashpër ndaj tij për një faull.

Një lajm shumë i mirë ky për Interin që do të ketë në stolin trajnerin për derbin e Italisë që mund të përcaktojë shumë për fatet e këtij sezoni për skuadrën zikaltër.