Do largohesh nga Juventusi? Dybala jep përgjigjen që nuk e priste askush

Kjo deklaratë e Paulo Dybalasë nuk do t’i pëlqejë tifozëve të Juventusit, pasi sulmuesi argjentinas refuzoi të japë premtimin se do të qëndrojë përjetë tek “Zonja e Vjetër”

Gjatë një interviste për “France Football”, Dybala theksoi se numri 10 tek Juventusi është një nder për të, shkruan SYRI.net.

 “Nuk dua të bëj premtime, sidomos pasi nuk është në dorën time. Në këtë moment unë nuk po them se ky është viti i fundit. Mendoj se është shumë e rëndësishme e tashmja dhe të fitojmë sa më shumë. Klubi më dha numrin 10 dhe ky është një nderim. Në futbollin modern kurrë nuk i dihet të ardhmes, e shembuj konkret kemi parë këtë verë”, theksoi Dybala.