Doci nuk mjafton, Shqipëria e femrave mundet sërish nga Skocia

Kombëtarja e Shqipërisë për femra e mbylli me një humbje 1-2përballë përfaqësueses së Skocisë fushatën kualifikuese për Kupën e Botës.

Shqipëria e pa veten në disavantazh që në minutën e 9’, kur Little kaloi Skocinë në epërsi. Ekipi kuqezi nuk u dorëzua dhe gjeti golin e barazimit para përfundimit të pjesës së parë, teksa në të 45-n ishte Doci që rikthehu entuziazmin. Gjithsesi, në pjesën e dytë, Skocia kaloi sërish në avantazh, kësaj here me Ross në të 68’, për të regjistruar fitoren e radhës.

Skocia e mbyll grupin në kuotën e 21 pikë, në vendin e parë dhe shkon direkt në Botëror. Ndërkohë që Shqipëria, në këto eliminatore regjistroi vetëm 1 fitore, atë ndaj Bjellorusisë me rezultatin 1-0, 1 barazim dhe 6 humbje, dhe përfundon në vendin e katërt, me 4 pikë