Drejtuesit e Juves në takim me Allegrin, në mbrëmje njoftohet vendimi

Orë vendimtare në shtëpinë e Juventusit për të ardhmen e Massimiliano Alegrit. Pas takimit të zhvilluar mbrëmjen e djeshme, mes presidentit dhe trajnerit, tashmë po zhvillohet një tjetër, por në qendrën sportive të bardhezinjve në Continassa. Të pranishëm janë dhe drejtori sportiv, Paratici dhe zëvendës-presidenti Pavel Nedved.

Gazetarët e “Sky Sport” raportojnë se gjatë mbrëmjes mund të ketë një njoftim për mediat nga klubi torinez, pas takimit mes Agnellit dhe Allegrit. Kjo pritet të jetë dita vendimtare për të ardhmen e stolit bardhezi, teksa nuk përjashtohet mundësia e një largimi të Allegrit. /Koha Jone/