Driblime dhe “vrasës” në zonë, sulmuesi i Dortmund “çmend” drejtorët sportiv

Gjermania i ka kushtuar shumë rëndësi skuadrave të grupmoshave. Gjatë viteve të fundit, akademia e Borussia Dortmundit ka nxjerrë talente të shumtë dhe kjo traditë duket se do të vazhdojë edhe në vitet e ardhshme duke u bazuar në statistikat e fundit të nxjerra nga mediat gjermane.

Në fakt, një super sulmues mund t’i bashkohet shumë shpejt futbollit botëror duke pasur parasysh numrin e golave të shënuar.

Bëhet fjalë për Youssoufa Moukoko, futbollistin kamerunas me nënshtetësi gjermane, i cili po shndërrohet në sensacion të vërtetë.

Vetëm 13 vjeçarar por që luan me grupmoshat U-17 të Dortmundit ka pasur vetëm 16 paraqitje, por gjatë këtyre takimeve ka shënuar 30 gola.

Në ndeshjen e parë më 13 gusht të vitit të kaluar, para 150 tifozëve, Moukoko shënoi dy gola për nëntë minuta, kur Dortmund triumfoi 3-0 kundër SG Unterrathit.

Vetëm gjashtë ditë më vonë, më 19 gusht, ai shënoi katër gola në fitoren 6-1 ndaj Kolnit.

Për më tepër, ai ka shënuar tre gola në katër paraqitje për grupmoshat deri 16 vjeç të përfaqësueses gjermane.