Humbja ndaj Levantes në fundjavë në La Liga dhe barazimi në mesjavë në Champions League ndaj Slavias së Pragës kanë vendosur në rrezik të ardhmen e Ernesto Valverdes në stolin e Barcelonës.
Në rast se situata nuk do të ndryshojë duke filluar që nga ndeshja e ardhshme, trajneri i blaugranëve rrezikon shkarkimin me presidentin Josep Maria Bartomeu që ka vendosur tre emra në listën e tij që shikohen si pasues të Valverdes.
Dy janë holandezë dhe bëhet fjalë për trajnerin aktual të Holandës Ronald Koeman i cili ka dhe një klauzolë pro Barcelonës dhe teknikun e Ajaxit Erik ten Hag. Një tjetër opsion është ai i argjentinasit Marcelo Gallardo i cili gjatë këtyre viteve të fundit ka udhëhequr River Plate drejt sukseseve të mëdha sidomos në Copa Libertadores.