Duka shpalli kandidaturën për FSHF, futbollisti i kombëtares e mbështet hapur

Armand Duka ka zyrtarizuar sot kandidaturën për kreun e FSHF-së, në Asamblenë që do të mbahet më datën 7 shkurt. Numri një i futbollit shqiptar ka renditur disa nga arsyet që e çuan në rikandidimin për të tentuar mandatin e pestë.

I pari që i ka dalë në mbështetje është kapiteni i Kombëtares, Ansi Agolli i cili përkrah haptazi kandidaturën e Dukës.

Ansi Agolli ka ripostuar postimin e Dukës në “Instagram” ku zyrtarizonte rikandidimin duke i shtuar në anglisht mbishkrimin “Më e mira është duke ardhur, urime president”.