Duka takim sekret në Itali me ish-trajnerin e njohur të Juventusit

Shqipëria është në kërkim të një trajneri të ri pas shkarkimit të Christian Panuccit. FSHF ka hartuar një listë me emra të mundshëm që mund të marrin drejtimin e kuqezinjve, teksa pjesë e tyre janë disa strategë italian. Pikërisht me njërin prej tyre, Duka ka pasur një takim sekret. “Top Channel” raporton se bëhet fjalë për ish-trajnerin e Milanit, Interit, Juventusit, Alberto Zacheroni.

Presidenti i FSHF ndodhet në Bologna për të diskutuar mundësinë që Zacheroni të marrë drejtimin e Kombëtares që javën e ardhshme.  Nëse gjithçka mbyllet me sukses trajneri italian mund te firmosë një kontratë 2 vjeçare ( 1+1 ) për të drejtuar kuqezinjtë.