Duro prezantohet te Kamza: Zgjedhje e lehtë, kam një ekip të plotë!

Klodian Duro është rikthyer në kryer të një klubi të Superiores dy vjet pasi fitoi Kupës e Shqipërisë me Kukësin. Ish-mesfushori i kombëtares do të marrë drejtimin  Kamzës, teksa sot pasdite ka bërë dhe prezantimin zyrtar.

“Doja të falënderoja presidentin për besimin që më është dhënë. Ndeshjet e para i kam ndjekur dhe kam mbetur i kënaqur me ç’ka ka paraqitur ekipi në fushë. Ne shohim për më lart, pse jo të arrijmë edhe Europën.

Nuk ishte një vendim i vështirë të merrja përsipër Kamzën. Ka një ekip të plotë, stabilitet në lojë, por edhe rezultatet nuk është se kanë çeduar shumë. Ambiciet e Kamzës janë për më lart.

Në 2016 kur fitoja Kupën e Shqipërisë Shkëmbi nuk e kishte nisur karrierën e trajnerit. Unë jam në sfidën e dytë, të cilën besoj do ta mbyll me sukses. Shkëmbit i uroj pa dyshim sukses, por më vjen keq që është luajtur ndeshja me Teutën. Do të kemi mundësi të përballemi edhe tre herë të tjera”, deklaroi Duro.