Dy djem nga Kosova ngjisin majën e Çikës në Vlorë me motorra (VIDEO)

Për herë të parë në histori dy djemtë e grupit Motocross Theranda nga Suhareka e Kosovës Luan Shala dhe Agron Kelmendi ngjisin majën e Çikës në Vlorë me motorra.

Ngjitja për në majën e Çikës zakonisht është bërë në këmbë për shkak të terrenit të thepisur por dy të rinjtë  kanë sfiduar terrenin e vështirë shkëmborë dhe kanë arritur në majën e Çikes.

Udhëtimi i tyre ka filluar nga Qafa e Llogarasë ne drejtim të majës  së Çikes e cila ju ka zgjatur 7 orë. Të rinjtë e Suharekes malin e Çikes e kanë vizituar edhe një muaj më parë por për shkak të mjegullës dhe borës nuk mundën të arrijnë majën e Çikës.