Dy fëmijët e tij pozitivë me Covid-19, Maksi Lopez sulmon Vandën: Është pa ndjenja, i thashë të mos shkonte në Ibiza

Maksi Lopez ka sulmuar ish-gruan e tij Uanda Nara, pas infektimit të 2 fëmijëve me Covid-19. Benedikto dhe Kostandino rezultuan pozitivë me koronavirus pas ardhjes nga pushimet në Ibiza. Ndërkohë që djali i madh Valentino rezultoi negativ.

Lopez në një intervistë të dhënë për “AS” zbulon se i kishte thënë Vandës të mos shkonte në Ibiza. “Jam shumë i zemëruar, ajo grua është pa ndjenja. Unë i thashë se nuk duhet të shkonte në Ibiza, duke e paralajmëruar se të gjithë ata që ishin kthyer nga Ibiza kishin rezultuar të infektuar me Koronavirus. ”, thotë Maksi Lopez.

Më pas futbollisti zbuloi se edhe Izabela vajza më e vogël e Ikardit ishte infektuar me Covid-19.