Europa League/ Short ferri për Lazion, Interi dhe Napoli me fat

Në Nyon është hedhur shorti i Europa League për fazën e 1/32-ve, teksa Interi ka qenë me fat pasi është shortuar ndaj Rapidit të Vienës në një duel që nuk pritet t’i hapë shumë probleme ekipit të Spalletit. Edhe Napoli ka qenë me fat, pasi të kaltrit do të sfidojnë Zurihun.

Chelsea do të sfidojë Malmon, ndërkohë që Lazio e Tares do të ketë një ndeshje ferri ndaj Sevillas. Ndeshjet e para do të luhet më 14 shkurt, ndërkohë që të kthimit një javë më vonë.