Evertoni turpëron Manchester United, fiton me “poker” dhe spektakël (VIDEO)

Pas eliminimit në Champions League, Manchester United merr një tjetër goditje të rëndë. Skuadra e drejtuar nga Solskjaer është shkatërruar 4-0 nga Evertoni në kampionat, duke komplikuar edhe më shumë pozitat për të luajtur edicionin e ardhshëm në Ligën e Kampionëve.

Vendasit gjetën rrugën e rrjetës që në minutën e 13-të. Pas një rivënie të gjatë të Digne, topi shkon në zonë, atje ku Richarlison me një goditje spektakolare me akrobaci arrin të mposhtë De Gea-n. “Djajtë e Kuq” janë në gjumë total, pasi në të 28-n, Sigurdsson lëviz mjaft mirë në hyrje të zonë dhe më pas lëshon një goditje shumë të fortë me të djathtën, duke mos i dhënë mundësi reagimi De Gea-s, i cili reagoi me vonesë.

Evertoni nuk mjaftohet me kaq, pasi në fillimin e pjesës së dytë do të gjente edhe dy herë rrugën e rrjetës. Digne shënoi një gol shumë të bukur pas një goditje nga distanca me të majtën, ndërkohë që pak minuta më pas Ëalcot i dha goditjen finale ekipit të Solskjaer.

United mbetet në vendin e 6-të me 64 pikë, ndërkohë që Evertoni gjendet një pozicion më poshtë në kuotën e 49 pikëve. /R.Lika-Koha Jone/

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = ‘https://www.scorebat.com/embed/embed.js?v=m2to’; fjs.parentNode.insertBefore(js, fjs); }(document, ‘script’, ‘scorebat-jssdk’));