Federata zvicerane bën ironi me Italinë: Kush të mund 3-0 e meriton fitoren e Evropianit!

Italia e nisi aventurën në Kampionatin Evropian me një fitore spektakolare 3-0 ndaj Zvicrës. Një fillim i mbarë, që i shërbeu skuadrës së Mancinit për të vijuar rrugëtimin thuajse perfekt.

Federata helvete vendosi që të komplimentonte në mënyrë ironike “axurrët” në Twitter. “Kush të mund 3-0 në fakt meriton që të shpallet Kampion Evrope. Komplimente për turneun fantastik, axurrëve. Festime të mbara, komplimente sërish dhe shihemi në shtator”.

Kujtojmë që Italia dhe Zvicra do të përballen sërish me njëra-tjetrën në shtator për kualifikueset e Kupës së Botës. /R.Lika-Koha Jone/