“Federbet” reagon për Skënderbeun: Ka shitur ndeshje

Klubi shqiptar, Skënderbeu, rrezikon një penalizim të rëndë prej 10 vitesh pezullim nga aktivitetet ndërkombëtare, pas dyshimeve për fiksim të ndeshjeve.

Pasi UEFA bëri të ditur për nisjen e hetimeve dhe kërcënimin e inspektorëve të tyre, ka reaguar edhe “Federbet”, të cilët ishin të parët që ngritën dyshime 28 muaj më parë për fiksim të ndeshjeve të skuadrës shqiptare, raporton Gazeta Express.

Postimi i “Federbet” në Facebook:

“Më shumë se dy vjet më parë, vendosëm të hedhim dritë në lëvizje të çuditshme lidhur me ndeshjet e Skënderbeu.

Kemi marrë shumë kërcënime, fyerje dhe kritika të shumta. Në një distancë prej 28 muajsh, UEFA po kërkon një s’kualifikim të rëndë për ekipin shqiptar.

Ne e përsërisim tani atë që kemi thënë në atë kohë: heshtja është karburant për zjarrin e ndeshjeve të fiksuara!!! Ne mund ta quajmë ndërprerje, por jemi të sigurt se pa zërin tonë asgjë nuk kishte lëvizur”, thuhet në reagimin e “Federbet””, mbyllet deklarata.

Lexo më shumë në: http://www.gazetaexpress.com/sport/federbet-reagon-per-skenderbeun-heshtja-eshte-karburant-per-ndeshjet-e-kurdisura-500705/?utm_source=referral&utm_medium=web&utm_campaign=copyright