“Fenomeni” Ronaldo shtrohet me urgjencë në spitalin e Ibizës

Ish-lojtari i Interit dhe Milanit, Legjenda e futbollit, Ronaldo, është shtruar në spital në Ibiza që nga e premtja për shkak të pneumonis (inflamacion në mushkëri).

Braziliani mbush 42 vjeç në muajin shtator dhe vazhdon të ketë probleme me mbipeshën që nga pensionimi i tij në vitin 2011.

Ronaldo është shtruar të premten në mbrëmje në spitalin “Can Misses de Ibiza”, ai ka qenë në pushime në Ibiza, aty ku e ka nën pronësi edhe shtëpinë e tij.

Ai vazhdon të jetë nën mbikëqyrjen e mjekëve por është përmirësuar. Stafi mjekësor nuk ka qenë në gjendje të jepte informacione të mëtejshme.