FIFA bën gati Botërorin e ri të klubeve, do të quhet “Turneu i Ëndrrave”

Quhet “Botërori i Klubeve” por që nga viti 2021 mund të ripagëzohet si “Turneu i Ëndrrave”. Siç raporton sot “La Gazetta Dello Sport shumë shpejt një edicion i ri i këtij kompeticioni pritet t’i prezantohet këshillit të FIFA-s me qëllimin për të bërë edhe më spektakolare sfidat dhe mbi të gjitha arritjen e arkëtimit shifrave kolosale financiare të cilat më pas do t’iu shpërndahen klubeve.

Sipas planit turneu do të organizohet një herë në katër vjet dhe formula parashikon në klubet pjesëmarrëse për edicionin e vitit 2021 nga Italia të marrin pjesë Milani, Juventus dhe Interi.

Infantino në të vërtetë ka zhvilluar takime me 7 nga klubet e mëdha europaine pikërisht me këtë qëllim prezantimin e projektit në të cilin parashikohet që turneu të angazhojë 24 skuadra nga të cilat 8 skuadrat fituese të fazës së grupeve të sfidohen në fazën e eliminimeve direkte që në çerekfinalet e kompeticionit. 90 minuta lojë të rregullt më pas në rast barazimi kalimi direkt tek penalltitë. Një kompticion i cili zhvillohet përgjatë 18 ditëve për edicionin e 2021 datat janë fiksuar për 10- 28 qershor.

Nga 24 skuadrat pjesëmarrëse 12 pritet të jenë europaine 4.5 të Amerikës së Jugut 2 Afrikane, 2 Aziatike, 2 nga Shtetet e Bashkuara të Amerikës dhe 0.5 nga Oqeania dhe një klub i vendit organizator. FIFA po mendon që në këtë edicion pjesëmarrëse të jenë klubet që kanë fituar më shumë.

Me pak fjalë një spektakël i garantuar me disa prej investitorëve të cilët janë gati të ofrojnë deri në 2 miliardë dollarë për katër edicionet e rradhës. Të ardhurat do të shkojnë për klubet me FIFA-n ë do të mbajë vetëm 100 milionë dollarë nga shifrat e përfituara për të mbuluar shpenzimet. Me pak fjalë skuadrat pjesëmarrëse do të siguronin rreth 60 milionë dollar ndërsa ato fituese rreth 130/150 milionë dollarë.