Fino kandidat për kreun e FSHF-së? Presidenti i Flamurtarit: Do të isha i lumtur!

Kreu i klubit të Flamurtarit, Sinan Idrizi u pyet në emisionin “Rubrika Sportive” në RTSH, nëse ka ndonjë informacion mbi mundësinë që deputeti i Kuvendit të Shqipërisë, Bashkim Fino të kandidojë për kreun e FSHF-së.

“Unë me zotin Fino njihem që prej 1995-ës, kur ai ishte kryetari i bashkisë së Gjirokastrës. U takova para ndeshjes në mënyrë rastësore dhe u ngjitëm për në tribunë për të parë sfidën ndaj Partizanit. Nuk folëm për futboll. Të jeni të sigurt. Fino kandidat për president të FSHF-së? Unë nuk e di këtë gjë, por do të isha i lumtur nëse do të ishte kështu”, tha presidenti i klubit të Flamurtarit, Sinan Idrizi.