Fiorentina akord me Arsenalin për lojtarin serb, por futbollisti e refuzon

Sky Sport në Itali raporton se Fiorentina ka arritur një marrëveshje me Arsenalin për shitjen e Dusan Vlahovic që në merkaton e janarit. Klubi londinez është gati që të derdhë plotë 80 milionë euro në arkën e klubit vjollcë, por problemi qëndron te futbollisti serb, i cili nuk dëshiron që të shkojë te Arsenali.

Te Fiorentina kanë frikë se përfaqësuesit e futbollistit kanë arritur një marrëveshje me një tjetër skuadër. Juventus dhe ekipe të tjera të mëdha prej javësh kanë shfaqur interes.

Mbetet të shihet në javët në vijim, por vështirë se Fiorentina do e bindë serbin që të shkojë te Arsenali. Dëshira e tij është që të luajë në një skuadër që gjendet më lart për momentin pasi e sheh si momentin e duhur për të bërë hapin cilësor në karrierë. /R.Lika-Koha Jonë/