Firmosi për një vit e gjysmë me Kukësin, por gjeorgjiani mendon që tani për largimin

Irakli Dzaria është blerja më e fundit e skuadrës së Kukësit, teksa futbollisti ka firmosur një kontratë për 1 sezon e gjysmë me kampionët e Shqipërisë.

29-vjeçari gjeorgjian ka dhënë së fundmi një intervistë për mediat e vendit të tij, duke treguar se do të qëndrojë vetëm 6 muaj në Shqipëri.

“Prej dy ditësh jam në Turqi me shqiptarët. Kam kaluar vizitat mjekësor dje tashmë kam firmosur kontratën. Klubi më ofroi një kontratë për një vit e gjysmë, por do të qëndroj vetëm 6 muaj, pasi nëse luaj mirë do të shkoj në një kampionat më të fortë ose do të firmos një kontratë tjetër më të mirë këtu. Jam i kënaqur që lashë Gjeorgjinë, pasi këtu ka kushte 4-5 herë më të mira dhe ka më shumë perspektivë”, deklaroi Dzaria për “First Channel”. /Koha Jonë/