Formacioni më i mirë i trajnerëve në Ligën e Kombeve, Shqipëria përfaqësohet nga Panucci

Kompeticioni më i ri i UEFA, Nations League, do të nisë rrugëtimin këtë javë. “Sky sports” ka publikuar formacionin më të mirë të këtij turneu, por me një ndryshim. Nuk flitet në lidhje me lojtarët aktivë, por trajnerët. Kush nga trajnerët e skuadrave kombëtare që kanë luajtur vetë futboll meritojnë vendin në këtë listë.

Shqipëria ka përfaqësuesin e saj, pasi trajneri Christian Panucci i ka bërë vend vetes në këtë listë. Ai u përzgjodh në të djathtë të mbrojtjes. Nuk kishim dyshime, pasi karriera e tij si lojtar ka qenë fantastike, duke fituar Champions League me Milanin.

Në portë është vendosur trajneri i Rusisë, Stanislav Cherchesov. Nuk kishte shumë konkurrencë në këtë pozicion dhe rusi e fitoi garën. Në krahun e djathtë të mbrojtjes, Panucci, ndërsa qendra iu besua Ronald Koeman-it të Holandës së bashku me numrin një të stolit të Skocez, Alex McLeish. Në krahun e majtë të mbrojtjes u vendos Luis Enrique.

Mesfusha e përbërë me 4 lojtarë, sheh në krahun e djathtë, Martin O’Neill të Irlandës, Didier Deschamps i Francës. Në këtë repart janë edhe Robert Prosinecki, tekniku iBosnja Hercegovinës dhe Rayn Giggs, trajneri i Uellsit. Në sulm nuk ka shumë dyshime me Roberto Mancini dhe Andriy Shevchenko që formojnë një dyshe të frikshme.