Foto/ “Hat-trick” ndaj Levantes, Messi afrohet me Këpucën e Artë

Barcelona fitoi me manita përballë Levantes, dhe kjo falë tripletës fantastike të Lionel Messit. “Pleshti” shënoi golin e dytë, të tretë dhe të katërt, përpara se Pique t’i vendoste kapak takimit. Me katalanasit që arritën të ruanin kreun, hat-trick i rriti pikë Messit në listën e golashënuesve.

Argjentinasi shkoi në kuotën e 14 golave, ku të përkthyera në pikë janë 28. Momentalisht kryesimi mbahet nga Liliu i Nomme Kalju, që numëron 31 pikë pas 31golash. Në disfavor të tij është renditja e kampionatit estonez, që pas çdo goli shtohet një pikë.