FOTO/ Tronditet Pep Guardiola, familja në terror pas shpërthimit terrorist në Manchester

Një atentat terrorist ka goditur Mançesterin dhe ka trondit anembanë botën, sepse në një koncert të këngëtares Ariana Grande ka shpërthyer një bombë që u ka marrë jetën të paktën 22 personave.

Përgjegjësinë për aktin e tmerrshëm e ka marrë ISIS, që vazhdon të terrorizojë Evropën me atentatet me njerëz-bombë.

Në koncertin e Mançesterit ishte e pranishme edhe familja e Pep Guardiolës: bashkëshortja Kristina Serra dhe dy vajzat Valentina e Maria, 14 dhe 9 vjeç.

Vetë Guardiola nuk ishte i pranishëm, pasi do të nisej për një takim me pronarët e Mançester Sitit, në Abu Dabi.

“Jam i tronditur dhe nuk më besohet ajo që ka ndodhur. U dërgoj ngushëllime gjithë familjarëve dhe miqve të viktimave”, shkruan Guardiola në Twitter.