FSHF shtyn ndeshjet e Kategorisë së Dytë për shkak të motit

Kushtet atmosferike të rënduara në 24 orët e fundit në mbarë vendin kanë detyruar të FSHF-në të pezullojë të gjitha takimet e nesërme të javës së 10-të Kategorisë së Dytë, Grupi.

Në një mesazh të dërguar 12 klubeve të Grupit B është njoftuar moszhvillimi i 6 sfidave të planifikuara për ditën e nesërmë. Në këtë mënyrë, takimet Labëria-Gramozi, Albpetroli-Maliqi, Memaliaj-Tepelena, Këlcyra-Devolli, Përmeti-Delvina dhe Butrinti-Skrapari nuk do të luhen.

Ditën e sotme, disa sfida të Kategorisë së Parë dhe të Dytë nuk u luajtën për shkak të kushteve të këqija atmosferike.

“Përshëndetje! Të gjitha ndeshjet e Grupit B nesër shtyhen për arsye të kushteve atmosferike. Ju faleminderit për mirëkuptimin!”, shkruhet në njoftimin e FSHF-së dërguar 12 klubeve të Grupit B në Kategorinë e Dytë.