Futbollistet e Anglisë ribashkohen me familjet e tyre pas 6 javësh izolim

Sporti E Hënë, 12 Korrik 2021 18:19

Futbollistët dhe stafi i përfaqësueses angleze më në fund pas 6 javësh janë ribashkuar me familjet e tyre, edhe pse jo në humorin e duhur.

Në fotot e shpërndara nga mediat britanike shihet qartë dëshpërimi i futbollistëve të “Tre luanëve”, që i shkuan shumë pranë triumfit në Kampionatin Europian, por humbën vetëm pas gjuajtjeve të penalltive ndaj Italisë.

Ky edicion i Kampionatit Europian, ishte më i suksesshmi për Anglinë, që arriti për herë të parë deri në fazën finale, diçka që ndodhi plot 55 vite pas triumfit në finalen e botërorit të 1966-ës.