Gega: Shteti më harroi! Uniformën e bleva vetë

Atletja shqiptare Luiza Gega ishte e ftuar këtë mëngjes në Wake Up ku foli për karrierën e saj, dhe jo vetëm. Ajo u shpreh se shteti e ka harruar, paguhet vetëm 370 mijë lekë të vjetra dhe madje dhe uniformën e ka blerë vetë.

Luiza thotë se ky ka qënë dimri më i vështirë për t’u stërvitur. Askush tha ajo këtë vit nga strukturat shtetërore nuk u kujtua të përcaktonte një fond për përgatitjen e saj.

Gega ka folur edhe për regjimin ushqimor që duhet të mbajë si sportiste që është. Por kush i gatuan asaj?  Ajo thotë se prej 10 vitesh jeton vetëm në Tiranë, dhe surprizë është se gatuan nëna e trajneres.

“Unë jetoj në Tiranë vetëm, me qira prej 10 vitesh që kur kam ardhur në universitet. Për fat të mirë trajnerja ime jeton prej dy vitesh në Tiranë, dhe e ëma e trajneres është shumë fanse e jona, dhe këtë periudhë gatuan për diku rreth 3 sportistë që nuk e kemi familjen këtu”, thotë Luiza.