“Gjaku juaj do ta lajë tokën”, ISIS kërcënon Ronaldon dhe Mesin

ISIS vijon të kërcënojë yjet e futbollit në prag të Kupës së Botës. Organizata terroriste ka deklaruar së fundmi se kanë si objektiv Kupën e Botës që do zhvillohet pas disa javësh.

Dy futbollistët Lionel Mesi dhe Kristiano Ronaldo janë vazhdimisht në shënjestrën e tyre. Ditën e sotme ata e kanë parë veten pjesë e fotove tmerruese të ISIS-it, teksa në të shkruhet: “Gjaku juaj do ta lajë tokën”.

ISIS disa ditë më parë paralajmëroi presidentin e Rusisë, Vladimir Putin se do të paguante për vrasjen e myslimanëve. Frika është duke u rritur dita ditës së ISIS mund t’i realizojë vërtet kërcënimet në Rusi.