Gjici mbledhje me lojtarët para sfidës me Partizanin, ja çfarë u ka premtuar

Kukësi u mund me rezultatin 1-0 në Korçë, duke humbur mundësinë që të kryesojë së bashku me Partizanin. Kjo disfatë ka ndikuar negativisht në ambientin e klubit verilindor.

Në mbledhjen e fundit me stafin dhe lojtarët, Gjici iu ka kërkuar atyre që të fitojnë patjetër kundër Partizanit. Normalisht që premio nuk do të ketë, por motivimi është dhënia e rrogave të muajit tetor pa dalë ende muaji. Pra, paradhënie te Kukësi.

Situata është normalizuar te verilindorët, të cilët tashmë e kanë zhvendosur vëmendjen te sfida kundër Partizanit që do të luhet të hënën në orën 13:45 në “Elbasan Arena”. Gjithsesi nuk dihet nëse do të ketë penalizime në rast të një rezultati negativ.