Gjyqtarë nga Maqedonia e Veriut për Tirana-Kastrioti

Tirana-Kastrioti është ndeshja e rëndësishme e ditës së sotme në Kategorinë Superiore, pasi bëhet fjalë për një përballje direkte mes dy skuadrave që luftojnë për mbijetesë.

Atmosfera në “Selman Stërmasi” është e qetë, pasi sfida do të luhet pa praninë e tifozëve, ndërsa mësohet se FSHF-ja ka vendosur t’ia besojë gjykimin një tresheje arbitrash nga Maqedonia e Veriut.

Ky vendim i Federatës Shqiptare të Futbollit është marrë për të shmangur aludimet mbi vendimet e gjyqtarëve, por edhe për të sjellë arbitra që janë të qetë dhe nuk ndikohen nga rëndësia e sfidës.