Goditi pas ndeshjes Halilin, presidenti i Laçit përfundon në polici

Presidenti i Laçit, Pashk Laska, raportohet të jetë shoqëruar në Polici, pas një sherri të ndodhur ditën e sotme me presidentin e Tiranës, Refik Halilin.

Siç raporton “Procesi Sportiv” në Facebook, Halili e ka denoncuar në polici Laskën për goditje, dhe më pas, policia e ka shoqëruar Laskën në ambientet e saj.

Presidentët e Laçit dhe Tiranës, janë konfliktuar në rrugë menjëherë pas ndeshjes, e cila u mbyll me shifrat 2-0 në favor të klubit kurbinasve ditën e sotme, rreth orës 16:00.